На 12.12.2019 во просториите на Друштвото на писателите на Македонија се одржа редовно годишно Собрание на Друштвото на писателите на Македонија, на тема „Книжевните манифестации“.Собранието го водеше претседателот на Собранието, Христо Петрески, а на трибината покрај него заа темата книжевни манифестации воведни излагања имаа и Мито Спасевски и Елена Пренџова.
На 5 декември во ДПМ се одржa промоција на книгата есеи „Творецот и сотворецот“ од Марија Гиревска во издание на издавачката куќа „Култура“ од Скопје. Промотори на книгата беа о. Стефан Санџакоски и Соња Стојменска-Елзесер, а модератор на промоцијата беше Александра Јуруковска.
На 2.12.2019, во Друштвото на писатели на Македонија се одржа книжевен настан посветен на творештвото на македонските жени-писатели, со следната содржина: – Доделување на плакетата „Даница Ручигај“ за 2019 година на Марина Мијаковска за збирката „Коскена“, со критички осврт на Славица Дабевска Ќировска– излагање на Димитар Пандев на тема „Женскиот поетски стимул во македонскиот...
На денот на раѓањето на Димитар Митрев беше организирано чествување за неговиот лик и дело во Домот на македонските писатели. За творечкиот опус на Димитар Митрев и неговото значење во македонската литература и култура говореа Иван Џепароски и Јелена Лужина, а со сеќавање пред публиката се обрати и ќерката на Димитар Митрев – Илинка Митрева.
Во рамките на фестивалот „Букстар“ на Издавачкиот центар Антолог од Скопје, во соработка со ДПМ, се одржа книжевна дискусија на тема „Во сенката на читателот“ . Во дискусијата учествуваа Халдора Тородсен, писателка од Исланд и македонските писателки Калина Малеска и Фросина Пармаковска, а модерираше Весна Мојсова-Чепишевска.
Во рамките на фестивалот „Букстар“ на Издавачкиот центар Антолог од Скопје и во коорганизација со ДПМ, се одржа книжевна дискусија на тема “Да се биде европски романописец денес” во која учествуваа Кадер Абдолах од Холандија, Михал Вивег од Чешка и Луан Старова и Оливера Ќорвезироска од Македонија. Модератор на средбата беше Соња Стојменска-Елзесeр.
Според востановената традиција, и оваа година добитничката на „Златен венец“ на СВП, романската поетеса Ана Бландиана, беше прогласена за почесен член на Друштвото на писатели на Македонија.
Претставници на ДПМ беа вклучени во манифестацијата „Лесновски ѕвона’ 2019 во чест на македонскиот поет Чедо Јакимовски, организирана во неговиот роден град Кратово.
Повеќемина претставници на ДПМ беа дел од реализацијата на 56. Рацинови средби во Велес, 6-7 јуни 2019. Традиционално беше положено цвеќе во спомен-костирницата од името на македонските писатели во чест на великиот поет Коста Солев Рацин.
Да му е вечна слава и спомен!
ДПМ на 5 јуни го одбележа “Празникот на липите”, чествување на поезијата во урбаниот амбиент со симболот на Скопје – липите. Овогодинешни добитници на “Книжевниот жезол” се македонскиот поет Радован П. Цветковски, и поетот од Албанија Ариан Лека . Творештвото на Радован П. Цветковски го претстави Милица Радевска- Димитријовска, а за поезијата...
Друштво на писатели на Македонија