ДПМ одбележа 79 години од основањето со врачување на традиционалните годишни награди за 2025 г.

Денес во Друштвото на писателите на Македонија беа врачени традиционалните годишни награди на Друштвото за изминатата, 2025 г., со што ДПМ одбележа 79 години постоење.

Оливера Ќорвезироска – награда „Стале Попов“ (за романот „Три Марии“, во издание на „Арс Ламина“), за најдобра прозна книга објавена во 2025 г.

Бранко Цветкоски – награда „Ацо Шопов“ (за стихозбирката „Вообразби (лирски етиди за некој друг свет“, во издание на „Макавеј“), за најдобра збирка песни во 2025 г.

Хана Корнети – награда „Ванчо Николески“ (за романот за деца „Илина и тајните на Бабин Заб“, во издание на „Или-или“) за најдобра книга за деца и млади во 2025 г.

Елизабета Шелева – награда „Димитар Митрев“ (за книжевно-критичкото дело „Книжевни созвучја и огледала“, во издание на „Сивејан“), за најдобра книга критика и есеистика во 2025 г.

Ахмет Селмани – награда „Мост“ (за збирката песни „Инфинитивна поука“, самиздат) за најдобра книга објавена во 2025 г. на некој од јазиците што ги зборуваат заедниците во Р. Македонија